Klassa leti helgi að baki

Jæja mánudagur.....æi það er alltaf svo gott þegar mánudagarinir eru búnir:)

Engar mega framkvæmdir um helgina.
Láum bara í leti á föstudaginn, tókum Dominos fjölskyldukvöld á þetta bara:)

Á laugardaginn fór ég á morgunfund með XD liðinu og svo ætluðum við fjölskyldan í brunch,en enduðum á Jómfrúnni ( sjá sögu að neðan). Frúin og ungfrú tannlaus ekkert allt of sáttar við það

Röltum svo aðeins upp Laugaveginn, en okkur varð fljótlega kalt þannig að við hentum okkur inn á Sólon í súkkalaðiköku og kakó..mmmmmmm.
Enduðum svo í Kringlunni, að leita að útigalla handa þessum ófædda, fundum engan þannig að við fórum bara heim.

Sunnudagurinn: Ein ferð í IKEA til að fá hillur í skúrinn.....ÞÆR VORU TIL!!!!!!!! Jibbíiiiii....Smári setti þær upp á meðan frúin horfði á Oprah:)


En aftur að Jómfrúnni....ég á mann sem er hálf skrýtinn. Hann hefur ALLA tíð haft mjög einkennilegan smekk á veitingastöðum!! Uppáhalds veitingastaðurinn hans er t.d MÚLAKAFFI!!!! Í hvert skipti sem við ætlum að fara eitthvað út að borða stingur hann uppá eftirfarandi:

1. Múlakaffi...ekki séns Smári minn
2. Jómfrúin...svo gott buff tartar þarna, hefur ekki virkað hingaðtil, en ég fór um helgina því ég var ekki svöng....og get ekki sagt að þessar brauðsneiðar hafi heillað og hvað þá hrátt buff með hráu eggi eins og Smári fékk sér!!!!!!!
3. Kringlukráin...ég lét undan um daginn, fór þar inn með semingi, bjóst við að hitta Geirmund Valtýrsson þarna...en nei nei....þarna fékk ég bara þá allra allra bestu pizzu sem ég hef smakkað á Íslandi, er búin að fara 3svar síðan!!!

Gef mig samt ALDREI með Múlakaffi....ekki séns að ég fari þar inn....no way Hose sko

OAO

m-þrjóskari en allt