Nóg að gera á stóru heimili

Jæja það er sko aldeilis nóg að gera hjá okkur þessa dagana.

Veronika er komin í páskafrí í eina og hálfa viku og er bara súper sátt við það, enda er von á Hönnu frænku frá USA, sumir græða nefnilega alltaf á því að fá þessa frænku heim:)

Nói Fannar vex og dafnar og er farinn að taka upp á því að vakna á 2 tíma fresti á nóttunni til að drekka, mömmu sinni til ómældrar gleði og ánægju...eða Þannig:) Englabossinn sem svaf alla nóttina er öööörugglega bara í vaxtarkipp og steinhættir þessu í næstu viku....hahahahah það má láta sig dreyma:)

Við fórum í ferðalag í gær, stórfjölskyldan. Við keyrðum austur í bústað og fengum okkur kaffi og kvöldmat hjá ömmu og afa. Virkilega gott að komast aðeins út og skipta um umhverfi og Veroniku okkar finnst fátt skemmtilegra en að fara austur. Hún dró ömmu sína og ásgeir frænda með sér niður að vatni í von um að geta veitt hornsíli:) Nói Fannar var hinn rólegasti þarna fyrir austan og eitthvað segir mér að þarna eigi hann eftir að eiga góðar stundir með ömmu, afa og Veroniku:)

Svo skellti frúin sér bara alein út áðan!!!! jÁ JÁ ég dreif mig bara í Hagkaup....muhahhaha það er ekki mikið um að vera þegar það þykir stórfrétt að hafa farið í Hagkaup, en svona gengur þetta nú fyrir sig hérna þessa dagana.

Já svo er nú annað....Gulli gullfiskur er allur!! Jeremías hvað hún Veronika grét, þetta var BESTI BESTI vinur hennar ( aldrei heyrt það áður)..nú pabbi var auðvitað sendur út í skúr að sækja skófluna og Gulli var grafinn í garðinum hérna hjá okkur. Veronika fór með bæn og söng við útförina...muhahhahahah æi greyjið henni fannst þetta virkilega erfitt:)Gulli skilur eftir sig vin sinn Blésa og nýja vin sinn Lottó, sem er ryksugufiskur sem vhs eignaðist á dögunum.....hvað lifa svona kvikindi almennt lengi haldiði??? get ekki beðið eftir að losna við að þrífa búrið!!!!!!!

OAO
m-ferðalangur